I lo K. Hminga 'SDO lam' ve tawh em?

Mizo lengzem singer zinga lawm hlawh ber pawl leh hla thu thlep mawi thei tak K Hminga chuan hun eng emaw chen hla thar a tihchhuah tawh loh hnuah Ningani khan hla thar 'SDO Dance' a tichhuak.

Thla thum vel liam taah khan 'Don't let me down' chu mawi takin cover tho mah se a original hla a tihchhuah hnuhnun ber 'Lehkhathawn Hnuhnung' a tihchhuah aṭang erawh kha chuan thla kua vel lai a liam tawh. Hla thar a tichhuak dawn tih hi a puangzar lawk chiah loa, Ningani khan a YouTube channel lamah a chanve vel lek ngaihthlak theihin a chhawp chhuak a, a hla pum ngaithla duh tan chuan Darbu App lamah lei a ngai thung. A man erawh a to lo, Rs. 15 a nimai!

A hla thu hi mi tam takin an inhmehbel thei dawn tih a chiang a, tin, thu awmze nei tak leh mi tam tak inenfiahna tur hlathu a inphum tel bawk. Ngaithla la, i hrethiam mai ang.

He hlaah hian Mizo musician ṭha tak takin an pui a, Albert Peka chuan keyboard play in, drummer Mikeji leh Sangkima Khiangte-te bass perh ngaihthlak tur a awm bawk. Mizo application ngei, Darbu lamah lei theihin a awm reng tawh e.