The Godfather star James Caan a thi

Mafia film lar tak 'The Godfather'-a Sonny Corleone lema hnehsawk taka chang James Caan chu Nilaini khan kum 82 mi niin a thi.

Oscar, Emmy leh Golden Globes lama nomination lo hmu vek tawhtu James Caan 1970's chhoah phei kha chuan lemchan thiam lawm hlawh ber zinga mi a ni a, lemchan khawvelah sulhnu pawh a hnutchhiah ṭha hle. Film 90 vel zetah a chang hman a, kum 2021 pawh khan a film channa pakhat 'Queen Bees' chu tihchhuah a la ni. Film bakah TV show 10 chuang zetah a inlan bawk.

James Caan hian nupui pali lai nei tawhin fa panga a nei tawh bawk a, a thih thu hi a chhungte chuan Ningani khan puangzarin hemi hnu hian a fan-te leh milar eng emaw zatin social media lamah an ui thu an tarlang nasa hle.