'Yu-Gi-Oh!' siamtu Kazuki Takahashi a boral

Manga comic series lar tak ṭhin leh anime-a siam a nih hnu pawha hit tak 'Yu-Gi-Oh!' siamtu Kazuki Takahashi chu kum 60 mi niin Nilaini khan thia hmuh a ni.

Kazuki Takahashi hi Nago, Okinawa-a tuipui kamah, vaukam aṭanga meter 300 vela hlaah a ruang hi Japan Coast Guard officer pakhatin a hmu a, a ruang hmuh hma ni eng emaw zatah a thi tawh nia hriat niin, snorkeling gear a la inbel a ni. A thih chhan hi Japan Coast Guard-te chuan an chhui chiang mek niin an sawi.

'Yu-Gi-Oh!' tih chu King of Games tihna a ni mai a, Japanese comic magazine Shonen Jump-ah kum 1996 leh 2004 inkar khan tihchhuah ṭhin niin kum 1999-ah khan trading card game pangngaiah pawh an siam hial a ni. Trading card-a an siam hi hralh a kal hle a, ram hrang hrangah tluklehdingawn 22 chuang hralhin trading card hralh tam lamah Guinness World Record a siam hial.