K Lalchhanhima (Zohawpi) kan chán ta

Thangkura Drama Party-a Zohawpi lema thiam taka chang ṭhin K Lalchhanhima chu Inrinni liam ta, July 9 khan kum 68 mi niin a thi a, nimin chhunah khan Ramthar Veng YMA Hall-ah vui a ni.

K Lalchhanhima hi July 1, 1954 khan Lungpho khuaah a piang a, unau pakaw zinga a naupang ber niin kum 1984 khan Lalzuali nen an innei a; fa pathum neiin Ramther Veng, Aizawlah an khawsa a ni.

Lalchhanhima hi a hunlaia Mizorama Comedian Drama Party lar ber tia chhal ngam Thangkura Drama Party-ah hun rei tak chhung telin Zohawpi lemah a chang ṭhin a, hei vang hian hriat pawh a hlawh hle. Pathian rawngbawlna kawngah pawh a phak ang tawka inhmangin a awmna pawl 'Nunna Lalhnam'-ah a thih ni thlengin rinawm takin a awm.

Hun eng emaw chen aṭang tawh khan insawiselna neuh neuh a nei fo a, tunhnaiah insawiselna a nei nasat deuh avangin July 7 khan LRM Hospital-ah an inentir a, hetah hian Thisen sang leh Zunthlum a neih sa bakah Septicemia a vei tih hmuh chhuah a ni. A kal (kidney) a ṭha lo hle tih hmuh chhuah ni bawkin ICU-ah dahluh nghal a ni a, zual lam pan zelin July 7 tlai lam dar 5:10 khan a boral ta a ni.