Cara Delevingne Mipuiin an ngaihdan a kham

Model ni bawk, actress ni bawk Cara Delevingne chuan mipui ngaihdan a ning a, a kham thu a sawi chhuak ta hlawl mai.

Khawtlangin hmeichhe nalh an beisei dan leh, chumi hmanga an thlir ṭhin chu Cara Delevingne chuan a khamzia hi a ngawihpui thei ta hlawl lo. “Nalhte hi engtiangin nge an awm tih min hrilh reng hi ka chauhpui a ni ber mai. Kan tana khawtlangin nalh an hrilhfiahna hi ka kham ta,” a ti. “Thawmhnaw phelh la, make-up hmang lo a, i sam tan la. I thil neih zawng zawng la bo la. Tunge kan nih? Engtin nge nalhna hi kan sawifiah ang? Nalh hi engtin nge kan hmuh?” tiin Cara chu a ṭawng chhuak.

Hemi hma hian Cara hian Met Gala-a a thlalak a phochhuak. He thlalakah hian a lu a kawlh a, Swarovski crystal a inbel bawk. Hemi rual hian nalhna chungchanga a ngaihdan ṭha zet mai a ziak lang bawk.

Cara hian a lu a tihkawlhna chhan chu a film chan lai vang a ni. ‘Life in a Year’ film a chang a, hetah hian lukawlha a lan a ngai. He film hi romantic film a ni a, Cara hi hmeichhia, cancer avanga thi mek lemah a chang a, Jaden Smith pawh a chang a, ani hi a bialpa lem a ni.