Alanis Morissette manager hlui an hrem

Zaithiam Alanis Morissette manager hlui, Jonathan Todd Schwartz chuan Morissette pawisa USD mtd 5 deuh thaw a lo puanhnuaisak avangin thiam loh a chang a, kum 6 chhung a tang dawn.

Alanis Morissette hian a sum dinhmun kimchang hriat a duh apiangin a manager Jonathan Todd Schwartz hian zah lo tak takin a chhang ṭhin a ti a, a sum dinhmun chungchangah court-ah a zualko ta a ni. Court hmaah Jonathan chu inpuangin, Morissette pawisa, USD mtd 5 deuh thaw chu a ruksak tih a puang ta a ni.

Court hian Jonathan hi kum ruk chhung lung in tâng turin a hrem a, drug test leh mental health counseling te zing taka nei turin a hriattir. Chu bakah chuan Morissette zângnadawm nan leh a ruksak pek kir nan USD mtd 8.6 chawi turin a hriattir bawk.