Ben Affleck-a’n a fate film lama luh duh lo

Actor hlawhtling a ni a, lemchan aṭangin sum tam tak lalut mah se, a kalna kawnga a fate kal ve erawh Ben Affleck hian a phal lo.

Ben Affleck hian Jennifer Garner nen fa pathum - Violet, Seraphin leh Samuel te an nei a, kum 44 mi hian a fate hi a hnung zui a, acting lamah an luh a duh lo. Affleck hi kum 18 a tlin hma aṭangin film chan lamah hian a lo hlawhtling tawh a, amaherawhchu a hlawhtlin hma avang hian nun a thiam loh phah ṭhin a, a nunah harsatna a thlen phah.

Q&A-a an kawmnaah Ben Affleck chuan a fate hi kum naupang tê an nih lai aṭanga film lama luh a remti lo a, kum naupang tak an la nih laia lar leh hlawhtlinnain an nuna nghawng ṭha lo a neih a remti lo a, chutiang chu an chungah a thleng ve ang tih a hlau hle.

“Kum 18 an tlin hunah chuan anmahniin duh an thlang ve tawh ang a, chutih hun­ah chuan thil a pangngai deuh tawh ang. Naupang tê nih lai aṭanga acting lama luhin nuna nghawng ṭha lo a neih hi ka hre hnem a, eng ang fakaua ṭha lo nge a nih pawh ka hrechiang a ni,” a ti.