MSL Dance Battle Tunkar hian finalist a hriat dawn

Mizoram Super League Season 3, Halftime Dance Battle chu Semi Final khelh ṭan zan, May 4 aṭang khan Hawla Indoor Stadium-ah ṭan a ni a, tunkar hian intihsiakna chhunzawm a ni ang a, chuta ṭang chuan finalist turte a hriat tawh dawn.

Kumina MSL Dance Battle-ah hian Dance Crew te an thiam a rual ṭha hle a, a chak ber tur pawh hriat har hle. Semi Final Game 1 Halftime Dance Battle-ah Emerge leh Climax Fabulous an lam. Game 2, Zirtawpni zan khan GOV leh Dem Boys an lam thung.

Tun kar game 3 leh 4 ah crew te hi an lâm leh ṭheuh ang a, chuta ṭang chuan Final-a inhmachhawn tur Crew pahnihte hi thlan chhuah an ni ang.

Dance Battle hming vuah anih rualin a format hi dance competition format-a kalpui a ni. Judging criteria-ah hian point hrang hrang: Choreography, Synchronization, Difficulty, Execution leh Showmanship te hmanga point hi pek a ni. Dance crew te hian criteria hrang hrang hnuaiah hian san bikna ṭheuh an nei a, tunkara an rawn perform lehna tur hian Final lut thei tur thui tak a hril dawn a ni.

Zanin, May 9 hian Climax Fabulous leh GOV an lâm ang a, Nilaini zan hian Dem Boys leh Emerge te an lam thung ang. Hemi zan vek hian Final lut tur crew pahnihte puan chhuah a ni ang.