'Pat Garrett & Billy the Kid' star L.Q. Jones a thi

Cowboy film lar 'Pat Garrett & Billy the Kid'-a 'Black' Harris lema chang L. Q. Jones chu Inrinni khan Hollywood Hills-a a chenna inah kum 94 mi niin a thi.

L.Q. Jones tupa Erte deGarces chuan a pu a thi tih hi PEOPLE Magazine hnenah sawi chiangin a boral laiin a chhungte'n an awmpui tih a sawi.

Jones hian kum 1955 daih tawh khan a film hmasa ber 'Battle Cry' chu a chang tawh a, lemchan mai bakah film eng emaw zat a direct bawk. 'The Wild Bunch', 'Ride the High Country', 'Major Dundee' leh 'Billy the Kid'-te chu a film chan langsar zual zinga mi niin film 64 vel laiah a inlan a, kum 2006-a tlangzarh 'A Prairie Home Companion' chu a film chan hnuhnung ber a ni. TV Show-ah pawh a inhlan hnem hman hle a, chung zingah chuan Western television series lar tak tak- 'Cheyenne', 'Rawhide', 'Gunsmoke', 'Laramie', 'Wagon Train', leh 'The Virginian'-te pawh a tel.