Baahubali 2-in Rs. tld 10 a lalut ta

Telugu leh Tamil film hit, Baahubali 2: The Conclusion chu India ram aṭanga film tihchhuah tawha sum lalut hnem ber a tling ta a, cheng tlukleh­dingawn 10 (vbch 1000) a lalut tling ta.

April 28 aṭanga tihchhuah ṭan Baahubali 2: The Conclusion hian India ramah record a rawn siam a, North American box office-ah pawh lang pha hial kha a ni. Cheng tluklehdingawn 10 a lalut tling tawh a, chu chu USD mtd 156 hu a ni. He film siam nana an senso hi cheng vaibelchhe 250 lai a tling a, chu chu tluklehdingawn 2.5 a ni a, an hlep hnem tawh hle.

A hmaa India aṭanga film tihchhuah zinga sum lalut hnem ber record siam­tu PK kha a rawn khum ta. Aamir Khan channa PK film khan USD mtd 120 vel zet a hmu chhuak. Baahubali tih hi “Bân-chak­a’ (The Man With Strong Arms) tihna a ni. Baahubali 1 leh 2 te siam nana an senso zawng zawng hi USD mtd 70 vel a ni.