BMA-ah lang pha BTS an kal dawn

Billboard Music Awards sem huna sawm bik zingah K-pop band hlawhtling BTS pawh an tel a, anni pawh an kal dawn. BTS hi category pakhatah nominee an ni nghe nghe.

May 21 khian Billboard Music Awards hi Las Vegas-a T-Mobile Arena-ah sem a ni dawn a, Bangtan Boys hi Top Social Artist Award-ah an lang a, la ve mai thei dinhmunah an ding. He category-ah hian Justin Bieber, Selena Gomez, Ariana Grande leh Shawn Mendes te an lang bawk.

Top Social Artist Award-a BTS an lang hi a mak lo. An hla ‘Not Today’, ‘Spring Day’ leh ‘Change’ te chu YouTube-ah a hit hle a, tun March thla thleng khan viewer pawh maktaduai 100 an nei tling tawh a ni. An album hnuhnung ber ‘Wings’ chu khawvel pumah maktaduai khat chuang hralhin, Billboard 200 chart-ah pawh 26-naah a lang pha a ni.