Thor a ṭek!
'Thor: Love and Thunder' chu Zirtapwni liam ta khan US-ah tlangzarh a ni ta a, sum a lalut hnem nghal hle.
'Hmangaihna leh ṭek' a hit
'Thor: Love and Thunder' hi kar tawp liam ta chhung khan US-a theatre 4,375-ah chhuah a ni a, $144,165,107 a lalut. US pawn lamah $159,175,140 lalut bawkin a sum lakluh zawng zawng belhkhawm chu $303,340,247 lai a ni.
Taika Waititi direct superhero film hi Thor film tihchhuah tawh zawng zawnga tlangzarh kar tawpa sum lalut tam ber a ni a, sum a lalut tam nghal bawka kumin chhunga film tlangzarh sum lalut tam 10-na a ni nghal.
Chris Hemsworth, Christian Bale, Tessa Thompson, Jaimie Alexander, Waititi, Russell Crowe, leh Natalie Portman-te channa film hi film review-tu lamin an fak hlawm hle a, film en hahdamthlak tak a nihna leh a changtute chevel chu an fak a, screenplay leh a tone mumal lo erawh sawiseltu an awm nual thung. Rotten Tomatoes lamah chuan mi 330-in an review aṭangin rating 6.6/10 a hmu a ni.
'Thor: Love and Thunder' hi MCU hnuaia Thor film palina niin MCU film 29-na a ni tawh thung a, $maktaduai 250 vel senga an siam niin tlangzarh hnu rei loteah film budget hi chu an khum chiang nghal hle a ni.
Top 10-ah film thar dang a awm lo
Box Office top 10-ah Thor tih loh film thar dang a awm lo. 'Minions: The Rise of Gru' chuan $46,128,405 lalut lehin pahnihna a ni a, 'Top Gun: Maverick' chuan $15,506,530 lai lalut lehin pathumna a ni ve bawk. Kumina film tlangzarh tawh zinga sum lalut tam ber 'Top Gun: Maverick' hian US aṭang ringawtin $587,900,000 a lalut tawh a, ram hrang hrang aṭanga a sum lakluh tawh zawt belhkhawm phei chu $1,185,312,643 lai a ni hem tawh mai!
Film thar, film thar
Box Office Mojo chart-ah film 45 tarlan a ni a, chung zingah chuan Fire of Love (19), Fire (20), Dreaming Walls: Inside the Chelsea Hotel (24) leh Murina (25)-te chu film thar an ni.
Box Office top 10:-
1 Thor: Love and Thunder $144,165,107
2 Minions: The Rise of Gru $46,128,405
3 Top Gun: Maverick $15,506,530
4 Elvis $11,181,071
5 Jurassic World Dominion $8,599,175
7 Lightyear $3,081,094
8 Marcel the Shell with Shoes On $322,167
9 Mr. Malcolm's List $255,116
10 Doctor Strange in the Multiverse of Madness $245,541