Ram pum huap 'Zofate Chhanchhuahna Camping' buatsaih a ni dawn

October thla hian ram pum huap 'Zofate Chhanchhuahna Camping' buatsaih a ni dawn.

'Zofate Chhan­chhuahna Camping' Organising Commitee vawi khatna chu Chairman Rev Lalzuithanga kaihhruaina hnuaiah Inrinni liam ta khan Whitestone Conference Hall, Ramhlun North-ah neih a ni a, Organising Committee member-te pawh an kal ṭha hle.

He camping-ah hian Frederick Lalrindika, Speaker, Bethel Ministry chu Speaker a ni dawn a, Bethel Ministry chu he camping-a thlarau lam rawngbawl hna thawktu tur an ni nghal bawk.

Camping hi liantham taka buatsaih tum a ni a, Rampum huap dawl zo thei turin kawng engkimah a ṭha thei ang ber zela ruahmanna kalpui a ni dawn a, mipuite pawh tun aṭanga lo inkau a, ṭawngṭainaa bul lo ṭanpui turin Zoram mipui zawng zawngte Organising Committee chuan a sawm a ni.