Blackpink-in YouTube an thunun leh ta

29th June, 2020

K-Pop girl band huhang ngah tak Blackpink chu kum khat dawn an reh hnuah Zirtawpni khan an rawn comeback a, hla thar 'How You Like That' tichhuakin YouTube thununtu an ni leh ta der mai.

Engtin maw?

Ni e, YouTube-a record eng eng emaw lo siam tawhtu Blackpink hian an hla thar hmang hian YouTube-ah record an siam leh a ni.

Nikum April thla khan an hla 'Kill This Love' hmangin YouTube-a thlirtu maktaduai 100 nei rang ber record an siam tawh a, chu mai a la ni lo, darkar 24 chhunga thlirtu ngah ber record an siam nghal bawk. Hemi hma pawh hian YouTube-ah hian record an siam tawh! K-pop band zinga YouTube-a thlirtu tluklehdingawn nei thei hmasa ber an ni tawh bawk. K-pop artist zingah chuan PSY kha he record hi a lo siam tawh a, band ang erawh chuan he lungphum hi an phum hmasa ber a ni.

Chuan maw, hun a kal leh hret a, hmanni lawk, June thla laihawl velah khan K-Pop artist zinga YouTube-a hla pali thlirtu mtd 800 nei tling thei record an siam leh. Kawng dangah chuan khaikhin theih ni lo mah se K-Pop lama an thlensanpui PSY leh BTS-te ai pawhin YouTube-ah na na na chuan an chungnung zawk tih lo rual a ni ta lo.

An record siam thar chu

BTS-in February-a record an lo siam tawh 'YouTube biggest premier' record chu Blackpink hian an rawn khum a, 'How You Like That' khan YouTube-a an dah chhuah rual khan thlirtu mtd 1.65 a nei nghal.

'How You Like That' music video-ah hian Lisa, Jennie, Rosé leh Jisoo-te chetla a hmuhnawm bawk a, 'YouTube biggest premier' record an siamah hian mipui an la lungawi tawk lo a niang chu, darkar 24 a ral meuh chuan thlirtu maktaduai 82.4 million an nei leh der tawh a, darkar 24 chhunga YouTube video thlirtu ngah ber record an siam leh bawk.

Blackpink hi kum 2016-a indin chauh kha ni mah se kum li chhung lekin entertainment khawvel an la hneh hle. Billboard Hot 100 leh 200 chart-a K-pop hmeichhe zinga thleng sang thei ber an ni a, Coachella music festival-a K-pop girl band perform thei hmasa ber an ni bawk. An fan 'Blinks' hoin an thlawp ṭha bawk a, YouTube-a music group subscribe-tu ngah ber an ni a, subscriber mtd 31.2 an nei.

Blackpink leh BTS hi inel lo mah se K-Pop fan-te'n an dinhmun an hriat chak takin han tarlang zuai ila:-