American Idol judge atan Kelly Clarkson!

American Idol tuaithar leh tuma hma lak meknaah Kelly Clarkson chu judge tura biak zinga mi a ni.

American Idol aṭanga rawn hlawhtling chhuak Kelly Clarkson hi American Idol tuaithar leh tumtute chuan judge atan an bia a, amah lam hi chu a remtih leh remtih loh engmah a la sawi chhuak lo. Kum 2002 khan Kelly Clarkson hi American Idol winner a ni a, hemi hnu hian music khawvelah a hlawhtling hle. A album tih­chhuah tawhte pawh khawvel pumah maktaduai 25 zet hralh a ni tawh a, hla mal a tihchhuahte pawh maktaduai 36 chuang a hralh tawh.

Kelly Clarkson hian judge nih hi a duh chuan a hmaa judge lo ni tawh te - Mariah Carey, Paula Abdul, Nicki Minaj leh Simon Cowell te hniakhnung a zui dawn tihna a ni. Idol hnu­hnung berah khan Harry Cornick Jr., Keith Urban leh Jennifer Lopez te chu judge an ni a, Trent Harmon chu winner a ni.