Ukraine-in Steven Seagal an duh lo

Actor hlawhtling zinga mi Steven Seagal chu Ukraine ram chuan an ngaina lo chauh pawh a ni lo, an duh lo a, an rama a luh an khap.

Steven Seagal hian Russia ram foreign policy chu ṭha a tih thu a sawi a, a duh zawng tak mai a ni awm e. Hemi avang hian Ukraine ram a chungah an lawm lo a, an rama a luh an phal ta lo a ni. Steven Seagal hi Ukraine chuan kum nga chhung atan an ram a luh an phal lo rih phawt a, a hnu zelah an ennawn ang.

Russia ramah erawh Seagal hi a tla na hle thung. Russia ram a thlawp thu a sawi bakah Ukraine-a Russian mi inlakhran tumte a thlawp thu a sawi a, Russia sorkar hotute chuan an lawm hle. Russia ram khua leh tui nihna an pe tawh a, nikum khan Kremlin-ah Vladimir Putin ngei maiin a pe a nih kha.