Bono-a’n Sam hmanga hla siam a duh

U2 band-a an frontman, Bono chuan Kristian zaithiam leh hla phuah thiamtena Sam thu hmanga hla an phuah lo chu mak ti a, Sam bu hmanga la phuah lama tihhmuhtu nih a tum.

Bono chuan Sam thute hi ṭha a ti a, a rilru a hneh hle tih a sawi. Bono chuan Sam bua khawngaihna hla te, thlamuanna hla te, lungngaihna hla te a awm tih sawiin, chungte chu a nun hnehtu an ni a ti. Sam thua hnuchham chungchang te, misual laka chhanhim dilna hla te, mi retheite tana hla awmte chu charity a ni ringawt lo a, justice a ni a ti. Sam bu hi hla thu ṭha tak awmna a ni a, heng thu hmanga tunlai Kristian hla phuah thiam­ten hla an phuah chhuak lo chu mak a ti tih a sawi.