Kelly Clarkson Idol-ah ni loin The Voice-ah

American Idol pawh lo ni tawh zaithiam, Kelly Clarkson chu American Idol an tuaithar leh turah judge turin an be mek niin an sawi a, chutih mek lai chuan Clarkson hi The Voice-ah coach a ni dawn niin an sawi.

The Voice-a mi Blake Shelton leh Kelly Clarkson te hi an Facebook live video aṭangin The Voice-ah Clarkson hi a lang dawn niin a lang. Kelly Clarkson hian Shelton hnenah ‘Chak turin ka rawn kal’ tiin a sawi a, The Voice-ah a coach-na hnuaia mite chakpui ngei tumin The Voice-ah a kal tihna a ni thei ang.

NBC Entertainment-a mi, Paul Telegdy chuan “Kelly hi The Voice-ah hian kum eng emaw zat chu adviser leh performer angin a awm tawh ṭhin. Tunah erawh chuan a aw danglam nalh tak mai nena ṭhangtharte kaihruai turin coach ni tura min rawn zawm a thlang ta,” a ti. Kelly hian Kum 2018 aṭangin The Voice season 14-na aṭangin a ṭan ang.