Gigi Hadid pa an man mai thei

Model hlawhtling leh chhe lo, Gigi Hadid pa, Mohamed Hadid chu a in sak chungchangah dan a zawm ṭha vak lo a ni mai thei, thubuai a hma­chhawn a, thiam loh a chan chuan jail-ah a tang ang.

Gigi leh Bella Hadid te pa, Mohamed Hadid hian kum 2011 khan in hmun zau tak a lei a, a in hmun leiah hian sq. ft. 30,000 zeta lian in a sa a, a in sakah hian in sak dan tur dan an siam chu a zawm ṭha tawk lo a niang, thubuai a hmachhawn. In sak dan tur dan an siam zawm loa an hriat avang hian thuneitute chuan a in sak lai chu titawp turin an hrilh a, mahse titawp mai loa a chhunzawm zel avangin thubuai an theh­lut ta a ni. May 30 hian court hmaah a inlan ang.