TWICE Mini Album thar tur chu...

K-pop girl group TWICE chuan mini album thar 'Between 1&2' an tichhuak dawn tih Thawhlehni khan sawiin August 26-ah an album thar hi an tichhuak dawn tih an tarlang bawk.

July 26 aṭangin ram hrang hrang aṭangin an mini album tihchhuah tur hi a pre-order theih dawn a, JYP Entertainment nena tunhnaia an contract pawtsei lehtu TWICE album thar hi an fan-te chuan an nghakhlel tawh hle.

Member pakua awmna girl group hian kum 2017 khan an album hmasa ber 'Twicetagram' chu tichhuakin Korean album pathum leh Japanese album pathum an tichhuak tawh a, Korean album an tihchhuah hnuhnung ber chu nikuma an tihchhuah kha niin 'Formula of Love: O+T=<3' tih a ni a, ram hrang hrang chart-ah an chet ṭhatpui hle nghe nghe a, Billboard 200 chart-ah pawh pathumna an nihpui hial a ni.