Twitter-in Elon Musk khing

Twitter chuan an sawi lawk ang ngeiin khawvela mi hausan ber Elon Musk khinna tur chu Thawhlehni khan an thehlut.

Elon Musk hian Twitter lei tura inremna an lo siam tawh $tluklehdinawn 44 chu, social media giant hian a hriat duh ang an hriattir thei lo nia chhalin lei a tum a ṭhulh a, chumi vang chuan Twitter hian an khing ta a ni.

Blue bird app company hian Elon Musk laka thubuai an ziahluhah chuan,"Musk hian Twitter leh a stockholder-te hnena thu a lo tiam tawh chu inremna a lo ziah tawhin a duhdan a kalh avangin a tihlawhtling lo a ni," tiin an ziak.

Twitter hian Delaware Court of Chancery-ah thubuai hi an thehlut a ni. April-a inremna an lo ziak tawhah khan Musk leh Twitter chuan inremna an lo siam tawh a tlawlh a nih chuan a tlawlhnaa mawhphurtu zawkin $tld 1 an chawi ang tih an ziak tel a ni.