Casey's Secret Duhaisam a takin a thleng

Casey's Secret chu an hla 'Duh­aisam' hmangin Ma-i Store Ṭhazual Lengzem chart-ah duhthusam hmun an rawn chang.

Kumin chhunga Ma-i Store Ṭhazual Lengzem chart-a band zinga pakhatna luah thei hmasa ber chu Casey's Secret niin, an single 'Duhaisam' hmangin he dinhmun hi an luah. Aziri'n pakhatna vawi hnih a luah hnuah Casey's Secret hian band anga an nep lohzia an rawn lantir.

Casey's Secret single video pahnihna 'Duhaisam' hi nikum aṭang khan Ṭhazual top 10-ah hian an lo lang tawh a, January 23 khan pathumna hial a thlen hnuah paruknaah a chhuk thla leh a, chumi hnuah panganaah chho lehin paruknaah a chhuk leh. March 20-a chart tih­chhuahah khan pasarihnaah an tla fual leh a, chuta ṭang chuan hmasawn zawngin an kal zel a, May 1 khan pahnihnaah awmin, chuta ṭangin pakhatnaah an rawn kai ta a ni.

Pakhatnaa ṭum hnih a awm hnuah Aziri chu a hla 'Eng vangin nge?' tih nen palinaah a tla thla a, Intonation hla 'Tlai khat' chu pahnihnaah rawn chhoin, Mathlenga hla 'Zawlkhaw dingdi' chu pathumnaah a bawk a ṭhu leh. Top 10 aṭanga chhuak an awm lo a, lut thar an awm lo bawk.

Ma-i Store Ṭhazual Lengzem
1 Caseys Secret - Duhaisam

2 Intonation - Tlai khat

3 Mathlenga - Zawlkhaw Dingdi

4 Aziri - Engvangin nge

5 Marshall FK ft Ruatfeli - Fahrah nun

6 Feli Fanai - Theih chang se

7 C Sanga - Lungrunpui

8 Laithangpuia Kullai - Tawn leh ka nuam

9 Pantei - Tawnmang

10 Michelle Varte - Sakhmelṭhachuang