Miss USA Kara McCullough

Pathianni zan khan Las Vegas, Nevada-a Madalay Bay Events Center-ah Miss USA final neih a ni a, Washington DC miss, Kara McCullough chu Miss USA-a thlan a ni.

Miss USA-a thlanna hi Julianne Hough leh Terrace J ten an host. A hma aṭangin uluk takin an lo en tawh a, Miss USA contestant 51 te aṭang hian a ṭha ṭha an thlang chhuak a, a tawpah Top 10 puan a ni, an zinga pasarih hi vun dum an ni. Top 10-ah hian Miss Minnesota Meridith Gould, Miss Jersey Chhavi Verg, Miss Missouri Bay­leigh Dayton, Miss Ten­nessee Allee-Sutton Heth­coat, Miss California India Williams, Miss Dis­trict of Columbia Kara Mc­Cullough, Miss South Ca­ro­lina Megan Gordon, Miss New York Hannah Lo­pa, Miss Illinois Whitney Wandland leh Miss Alas­ka Alyssa London te an lang.

Top 10-te hi swimwear leh evening gown hmangtein an inel leh a, chuta ṭang chuan Top 5 thlan chhuah an ni. Top 5-ah hian Miss New Jersey, Miss South Carolina, Miss D.C., Miss Illinois leh Miss Minnesota te an tling. Heta ṭang hian Top 3-ah Miss New Jersey Chhavi Verg, Miss Minnesota Meridith Gould leh Miss DC Kara McCullough te lang lehin a tawpah Miss District of Columbia Kara McCullough chu Miss USA-a puan a ni ta a ni.

Kara McCullough hi Italy-a piang a ni a, kum 25 mi niin, South Carolina State University-ah chemistry-ah bachelor degree a zo tawh a, Nuclear Regulatory Commission-ah a thawk.