Halsey 'Without Me'-in Song of The Year dawng

BMI Pop Awards vawi 68-na semna virtual ceremony buatsaiha semah  Halsey, Khalid, leh Post Malone-te chuan award ngaihhlut an dawng.

Halsey hian Delacey nena an phuah 'Without Me' chu Song of  The Year a dawnpui a, Khalid leh Post Malone-te chuan Songwriters of The Year award an dawng ve bawk. Khalid hian  "Beautiful Peo­ple", "Better", "Eastside", leh "Talk"-te chu award hi a lakpui a, Malone hian "Goodbyes", "Jackie Chan", "Sunflower", leh "Wow"-te a lakpui thung.

Sony/ATV Music Publishing chu  Publisher of the Year-ah a vawi riatna atan an thlang leh bawk. BMI Vice President of World­wide Creative Barbara Cane chuan thuchhuah a siamah award dawngtute chu a lawmpui thu sawiin nakkum BMI Pop Awards chu ruahman anga an kalpui theih tawh a beisei thu a sawi a, Covid-19 hripui leng a tawp chuan award ceremony pawh a pangngai anga an buatsaih leh theih a beisei a ni.

BMI Awards hi kumtina sem ṭhin a ni a,  Broadcast Mu­sic, Inc buatsaih niin hla phuahtute leh publisher-te hnenah chawimawina an hlan ṭhin. Pop Award bakah hian BMI Latin Awards, BMI Film/TV Awards, BMI R&B/Hip-Hop Awards, BMI London Awards, BMI Coun­try Awards, BMI Christian Awards leh BMI Trailblazers of Gospel Music Honors-te pawh an sem ṭhin a ni.