Logic tana ropuina hmasa ber

Billboard 200 chart-ah a vawi khat nan Logic chuan pakhatna a rawn luah. Kendrick Lamar te, Chris Stapleton te chungah a awm.

Logic hian a album thar ‘Everybody’ hmangin Billboard 200 chart-ah pakhatna a rawn luah. He album hi kar liam ta chhung khan copy 247,000 zet an hralh. Logic hi a hmain a la hlawhtling ngai lo ni loin, Billboard 200 chart-a pakhatna kher kher hi chu an lo la luah ngai hauh lo a lo nia. Top 10-a lang pha hrim hrim erawh a nei tawh a, kum 2015-a a album ‘The Incredible Story’ chu pathumna hial a lo thleng tawh a, kum 2014-a a album ‘Under Pressure’ chu palina a ni tawh bawk.

Country music khawvela hlawhtling mek Chris Stapleton chuan pakhatna a luah zo lo. Chris Stapleton album thar ‘From a room: Volume 1’ chu kar khat chhungin hralh hnem viau mah se, pakhatna a ni zo ta lo. ‘From a room: Volume 1’ hi kar liam ta chhung khan copy 219,000 zet chu a hralh tho mai.

Kendrick Lamar album ‘DAMN’ chu pathumnaah a tla thla ve ta a, kar liam ta chhung khan copy 134,000 zet chu a la hralh thei cheu. He album hian a zawnin chawlhkar thum chhung pakhatna a luah tawh a nih kha.

Billboard 200 chart
“Everybody” - Logic (247,000)
“From a Room: Volume 1” - Chris Stapleton (219,000)
“DAMN” - Kendrick Lamar (134,000)
“Guardians of the Galaxy Vol. 2” Soundtrack - Various Artists (87,000)
“More Life” - Drake (62,000)
“Divide (division sign)” - Ed Sheeran (50,000)
“There’s Really a Wolf” - Russ (49,000)
“24K Magic” - Bruno Mars (42,000)
“Humanz” - Gorillaz (40,000)
“Epic AF” - Various Artists (37,000)