Katy Perry album tur a chiang

Album thar tihchhuah a tum thu an sawi an sawi tawh a, mahse amah Katy Perry a ngawi a, a ngawi rei thei ta bik lo. Katy Perry hian social media hmangin a album thar tur chungchang a sawi chhuak a, chumi rual chuan tour a neih dan tur a puang bawk.

Katy Perry album thar tur hi ‘Witness’ tih a ni a, a studio album pangana tur a ni. A rua­hman dan chuan June 9-ah hian a tichhuak ang. Eng hla deuh deuh nge a dah ang tih sawi chhuak lo mah se, “Chained to the Rhythm”, “Bon Appetit” leh “Witness” hlate chu a awm ngei tura ngaih a ni. Hei bakah hian September thla aṭanga tour a neih tur thu a puang a, a tour hian North America chauh a hrut rih dawn. September 7 khian Ohio-a Columbus-ah a bul a ṭan ang a, nakkum Feb­ruary 5 khian Vancouver, Canada-ah North American tour hi a khar ang. May 22 aṭang hian ticket hralh chhuah ṭan a ni ang a, ticket hralhna aṭangin, ticket pakhat hralh zela dollar khat chu Boys and Girls Clubs of America tan a pe ang.