Serial killer film-ah Zac Efron chang dawn

Kum 29 mi actor Zac Efron chu serial killer film-ah a chang dawn. Zac Efron-a film chan tur hi Extremely Wicked, Shockingly Evil and Vile a ni a, hetah hian serial killer lemah a chang dawn. A chan tur hi thil thleng tak tak chanchin a ni a, 1970 chhoa mite ṭih leh hlauh, Ted Bundy lem a chang ang. Ted Bundy hian kum 1974 aṭanga 1978 chhung khan US-a state pasarihah mi 30 a that tih a inpuang a, kum 1989 khan an tihlum ta a ni. Efron hi Baywatch film-ah a chang bawk.