Netflix-in 'Emily In Paris' pe chhuak dawn
American comedy-drama television series thar tur 'Emily In Paris' chu Netflix-ah en theihin a awm dawn.
Kum 2018 khan he series thar tur chungchang hi tarlan a ni a, season hmasa bera eposode 10 chu Paramount Network pekchhuah tura ruahmanna kalpui a ni. Mahse kumin July 13 khan Netflix lamin an pechhuak zawk dawn niin tarlan a ni leh.
He series tharah hian nikum April 3 khan English-American actress Lily Collins chu a changtu tur a nih thu puan chian a ni a, a hnuah film chan thiam leh lam thiam ni bawk Ashley Park a chan dawn thu an tarlang leh bawk. Anni bakah hian Philippine Leroy-Beaulieu, Lucas Bravo, Samuel Arnold, Camille Razat leh Bruno Gouery-te pawh an chang dawn.
'Emily In Paris' series thar tur hi American hmeichhia Emily (Lily Collins)-in France khawpui Paris-a hna a zawn chungchang leh culture lama innghirnghona a awm chungchang a ni dawn a, he film series siam tu hi Darren Star niin a ni hi American comedy-drama television series 'Sex and the City' siamtu tho kha a ni.