Kanye West-a'n a nu piancham pualin hla thar tichhuak

Kanye West chuan a nu thi tawh Donda West kum 71 pianchampha pualin hla thar a tichhuak a, he hla hi 'Donda' tih a ni.

He hla thar tir lamah hian Kanye nu chuan KRS-One hla 'Sound of da Police' tih chu a sak lai bakah video clip hrang hrang tawite te tihlan a ni. A hnuah Kanye hi a rawn rap ve chauh thung. He hlaah hian Kanye chuan, "Midangte chuan min ti lungngai a, ka pi leh nang hi ka tan in tawk em em a ni. Mahse heti chung chunga mawl taka ka kal luih zelna chhan hi chi inthliarna a tawp theih nan a ni," tihte bakah he ramah hian dikna huat a ni a, chuvang chuan revolution a ngai hial a ni, tihte pawh a sawi tel.

West nu hi kum 58 mi niin kum 2007 khan ṭum eng emaw zat zai a tawh hnuah a thi a, a damlai chuan kum 31 chhung lai English professor hna a thawk a ni. Kanye nupui Kim Kardashan-West pawhin a pasal nu piancham pual hian Kanye leh a nu an zai dun lai chu social media lamah a pho chhuak ve bawk.