Tomorrowland Around the World-ah Katy Perry

Fanu thar nei mai tura inbuatsaih mek Katy Perry chu July 25 leh 26-a digital-a buatsaih tur Tomorrowland Around the World-ah a perform dawn.

Kum 34 mi, 'Roar' singer hian digital festival lineup hi a zawm ve leh ta a, electronic dance music lama artist langsar tak tak 60 chuang perform tur zingah a hming a ri ring hle. Dutch DJ leh producer Martin Garrix nena video call an neihnaah digital festi­val-a a perform tur thu hi a sawi chhuak a, "Tomor­rowland hlimawm tak peng pakhata tel ve hi ka chak reng ṭhin, hemi version peng pakhata ka tel tur pawh hi ka lawm hle. A tih hlim ngei che u ka beisei," a ti.

Tomorrowland Around the World hi July 25 leh 26 hian CEST tlai dar 4 aṭanga zing dar 1 thleng neih a ni dawn. Bakah hian milar tak tak inlan tur an awm nual a, chung zingah chuan Steve Aoki, Afrojack, Martin Garrix, David Guetta, Don Diablo, leh Modestep-te pawh an tel.