Alice Cooper-a’n album tihchhuah a tum

Kum 6 chhung zet album a tihchhuah tawh loh hnuah rocker che ngap nasa ṭhin, Alice Cooper chuan label thar a nei a, a label hnuaiah hian album tihchhuah a tum. Alice Cooper album thar tur hi ‘Paranormal’ a ni a, July 28 hian a tichhuak ang. He album-ah hian U2-a mi Larry Mullen Jr., ZZ Top-a mi Billy Gibbons leh Deep Purple-a mi Roger Glover te pawh an tel.

Hei bakah hian Cooper hian November thla hian tour nei turin a inbuatsaih mek a, British thliarkara a tour programme tur pawh a duang. Leeds, Glasgow, Birmingham, Manchester leh London-ah te concert hi a nei ang.