J-Hope album thar a chhuak ta

South Korean rapper Jung Ho-seok chuan nimin khan a solo album hmasa ber 'Jack in the Box' chu a drop ta. A hit dawn tih a chiang.

Kum 2018-ah daih tawh khan a solo mixtape, Hope World a lo tlangzarh tawh bawk a, kha pawh kha US Billboard 200 chart-ah 38-na a nihpui a nih kha. Tunah album puitling a tichhuak ta a, BTS fan-te'n an thlawp ṭhat phei chuan ram hrang hrang chart-ah a chet ṭhat hle a rinawm.

'Jack in the Box'-ah hian hla 10 a awm a, single-a a tihchhuah tawh 'More' pawh kha he album-a mi hi niin nimin khan 'Arson' chu single-in a tichhuak leh bawk. 'More' a tihchhuah ringawt pawh khan a hit nghal hle a, Twitter lama Hot Trending Songs chart topper a ni hial.

Kum 28 mi J-Hope hian a album thar hi Big Hit Music kaltlangin a tlangzarh a, streaming platform hrang hrangah a ngaihthlak theih tawh a ni.

J-Hope hi July 31 hian Lollapalooza festival-ah headline act tur a ni dawn bawk a, hetah hian a album thara hlate hi a sa ang. South Korean artist zinga US festival lian a headline hmasa ber tur a ni bawk.

'Jack in the Box'-a hla awmte:-
1. "Intro"
2. "Pandora's Box"
3. "More"
4. "Stop" (Korean: 세상에 나쁜 사람은 없다; RR: Sesange Nappeun Sarameun Opda; lit. There Are No Bad People in the World)
5. "=" (Equal Sign)
6. "Music Box: Reflection"
7. "What if..."
8. "Safety Zone"
9. "Future"
10. "Arson" (Korean: 방화; RR: Banghwa)