Kum 5 hnuah Bob Dylan-a'n UK-ah tour nei dawn

Bob Dylan chuan October thla hian UK-ah 'Rough and Rowdy Ways' world tour a nei dawn a, kum 2017 hnua UK-a tour a neih leh hmasak ber tur a ni.

Kum 81 lai ni tawh Dylan hian October 19-24 chhung hian zan li lai London Palladium-ah show a nei dawn a, Motorpoint Arena Cardiff, South Wales lam a pan zui anga, SEC Armadillo, Glasgow, Scotland-ah October thla tawpah zan hnih chhung show a nei bawk ang.

'Knockin' on Heaven's Door' hitmaker hian kum nga vel liam taah khan 'Never Ending Tour' neiin London-ah show a nei a, chumi hnuah chuan UK lamah hian show a la nei leh lo a ni.

Dylan hian kum 1962-ah daih tawh khan a album hmasa ber a tichhuak tawh a, a album hnuhnung ber 'Rough and Rowdy Ways' chu kum 2020 khan tichhuakin album 39 lai mai a tichhuak tawh.