Sophie Turner leh Joe Jonas-te'n fa pahnihna nei

Game of Thrones star Sophie Turner chuan a pasal Joe Jonas nena an fa pahnihna chu Ningani khan a nei.

May thla khan an fa pahnihna tur a pai leh mek thu a lo sawi tawh a, tunah chuan a pahnihna atan fanu bawk an nei leh ta a ni.

An nupa aiawh thupuangtu chuan hemi chungchang hi PEOPLE magazine hnenah sawi chiang tawhin,"Joe leh Sophie-te chuan fanu an nei a ni tih hlim takin an puangzar e," a ti.

Kum 26 mi Sophie leh kum 32 mi Joe-te hi kum 2016 aṭang khan an inzui ṭan a, October 2017 khan inhualin May 2019 khan Las Vegas, Nevada-ah an innei a ni.