Kaley Cuoco, Connie Nielsen, David Oyelowo leh Bill Nighy-te channa tur film chu...

The Big Bang Theory star Kaley Cuoco, Rise of the Planet of the Apes star David Oyelowo, Underworld actor Bill Nighy-te chu thriller film 'Role Play'-ah an chang ho dawn tih puanzar a nih hnuah an zinga tel turin Gladiator actress Connie Nielsen hming sawi rikin a awm ve leh ta.

Deadline chuan hemi chungchang hi puangzarin Connie Nielsen hian eng role nge a chan dawn tih puanzar a la nih loh thu an sawi a, Thomas Vincent chu director a ni dawn tih erawh tihchian a ni tawh.

Nupa, an hun kal tawha an thuruk an inhriatchhuah sak tawn avanga an nun danglamta chanchin a ni dawn a, Cuoco leh Oyelowo-te chu nupa lema chang tur niin Nighy hi an nunna rawn inrawlh mi pakhat lemah a chang dawn thung a ni.

Seth Owen chuan script ziakin Andrew Baldwin chu screenplay buaipuitu a ni a, thlaleh lamah Berlin-ah chan ṭan an tum tawh niin an tarlang bawk.

Billy Bob Thornton pawh he film-ah hian a inlan dawn niin an sawi tawh a, mahse ani pawh hi a role an la sawi chiang lo.