Pantera 2023 Reunion Tour-ah Zakk Wylde leh Charlie Benante

Guitarist Zakk Wylde leh Anthrax drummer Charlie Benante-te chuan Phil Anselmo leh Rex Brown-te chu nakkum lama Pantera Reunion Tour an neih turah an pui dawn niin Billboard chuan a tarlang.

Pantera hi nakkum lamah hian North America leh Europe lama show lian tham tak takah headline an ni dawn a, chungah chuan Zakk Wylde leh Benante te hi an an inlan ve dawn a nih hmel.

Anselmo leh Brown-te chuan a hmain interview-ah reunion an nei leh a nih pawhin Zakk Wylde chu an zingah a tel an rin loh thu an lo sawi ve ve tawh a, mahse engin nge an rilru thlak erawh hriat a la ni lo tih Billboard lam chuan an sawi.

Wylde hi Ozzy Osbourne-a guitarist a nih bakah Black Label Society dintu a ni a, Dimebag Darrell-te unau nena inkawmngeih tak an ni bawk.

Pantera member la dam pahnih Phil Anselmo leh Rex Brown-te chuan reunion tour an neih dawn thu hi tunhnai khan an puangzar a, an fan-te pawhin hemi chungchang hi an ngaihven leh tawh hle a, Dimebag leh Vinnie aiawhtu tur an inrinsiak mek laiin nimin lamah khan Billboard chuan hemi chungchang hi an rawn puangzar leh ta a ni.