Rpa Ralte hla thar tur 'Ka sawifiah thiam lo'

'Tu dang ka ngai tawh law'ng' hitmaker Rpa Ralte chuan hla thar 'Ka sawifiah thiam lo' a tichhuak dawn.

Rpa Ralte hian artist lar tak tak- Benjamin Sum, Shin Bia, Van hlei sung, Zaii Hauchhum, Vanlalhmangaiha etc. te a thawhpui hnuah ama zai ngei a rawn tichhuak leh dawn ta a, ngaihthlak a nuam leh hle ang tih a rinawm.

'Ka sawifiah thiam lo' hi a nupui fanaute tana a phuah niin pop music lam hawi a ni dawn a, hla ngaihthlak hahdam tak, chuai mai lo tur chi a ni dawn. Music chu a hla dang ang bawkin ama kut chhuak a ni leh a, guitar erawh Ephraim-a kut chhuak a ni thung.

Moonshine Studio chuan music video an shoot thung a, Zonet Cable TV lamah a hla/music video thar hi a chhawp chhuak thuai dawn a, YouTube lamah pawh dah chhuah thuai a tum bawk.