Scorpio-N Mizoramah tlangzarh a ni ta

Mana Motors chuan Inrinni khan an Showroom, Bawngkawnah Scorpio chhuak thar Scorpio-N an tlangzarh.

Aizawl District Transport Officer H Lalhmingliana chuan tlangzarhin Dealer Principal Dr Franklin Lalrinngheta te nupa leh Miss India Mizoram Lalramhlui Sailo-te nen an khuh hawng a ni.

Scorpio-N hi lei tuma hauh lawk mi 50 lai an awm a, Hminghlua chuan,"India siamah a aia lirthei ṭha ka la khalh loa, Rs nuai 30 chuang man neih a ngaiin ka hre lo. Tunah an rawn tuai thar a, a man tlawmin a chak si a, khawl ṭha leh changkang tam tak a keng tel a, company-in an hloh lo maw ka ti hial a ni," tiin a sawi.

Dealer Principal Dr Marina chuan Scorpio chu Mahindra-in lirthei a siam chhuah zinga chhuanvawr leh langsar a nih thu a sawi a, tuna mi hi a hma aiin a sei a, a zauin a hlai zawk a, a chhung pawh a changkang zawk a, fel fai zawka duan chhuah a ni, a ti.

Scorpio thar hi Italian design company lar tak Pininfarina-in an duan a ni a, SUV C segment bikah ṭha chungchuang hle tura ngaih a nih bakah hemi chung D segment thlenga pawl pha hiala sawi a ni a, 'Big Daddy of SUV' an ti hial a ni.

Mahindra chuan kum 2002 khan Scorpio a tichhuak a, India rama Sports Utility Vehicle (SUV) zinga hralh kal leh fak hlawh a ni. Mizorama Mahindra full range dealer an nih hnuah Mana Motors-in 2014 aṭang khan 1,171 an hralh chhuak.

Scorpio-N hi Rs Nuai 11.9 (ex-showroom price) aṭangin a inṭan a ni.

SCORPIO-N Specification ṭhenkhat:-
Diesel engine - Mhawk 2.2 Ltr, 175 PS, 400Nm torque.
Petrol engine - Mstallion 2.0 Ltr, 203 PS, 370Nm torque. 
Engine 2198
Displacement (cc)
Seating Capacity - 7
Fuel Tank Capacity - 57.0
Ground Clearance Unladen - 187