India rama thawn tam ber Redmi Note 4
India ramah Xiaomi ṭhan nasatzia kan hria a, tun quarter hmasa ber, January - March thla chhunga India rama phone thawn luh tam ber pawh Xiaomi phone Redmi Note 4 a ni.
Nikum January - March thla aiin kumin quarter hmasa berah hian India rama phone thawn luh hi za zela 14.8 zetin a pung a, kumin hian smartphone maktaduai 27 India ramah thawn a ni. Kum dang zawnga India rama phone thawn luh tam ber ṭhin chu Samsung phone ho a ni ṭhin a, kuminah erawh Xiamo-in a rawn khum.
Nikum quarter hnuhnung bera India rama phone thawn luh tam ber chu Samsung Galaxy J2 a ni a, kum tharah erawh chuan thil nihphung a inthlak nasa ta hle. Kumin quarter hmasa bera India rama phone thawn luh tam ber chu Xiaomi Redmi Note 4 a ni tawh. Chinese handset siamtute kutchhuak hian India rama smartphone market a thunun tawh hle a, Xiaomi mai bakah Vivo, Lenovo leh Oppo te chu India rama phone hralh theih ber ber an ni.