Honda BigWing Ṭhazual Lengzem ; A neih chhun nen Rebecca-i pakhatna

Honda BigWing Ṭhazual Lengzem chart-ah Rebecca Lallawmsangi pakhatna a ni a, a hla hit chho mek 'Ka neih chhun' chu pakhatna a nihpui.

Rebecca Lallawmsangi nge nge chu!
Rebecca Lallawmsangi'n hla thar a tichhuak, tih thu hriat chuan a hit turah ngai ila, kan tisual lo tlangpui. Chutiang khawpa Zofate zinga huhang ngah Rebecca-i chuan tunah hian Ṭhazual chart-ah hma a hruai mek a, mak erawh iti lo tih a chiang.

July 29-ah Rebecca-i hian Sechhipah concert a nei dawn
Tuna pakhatna a nihpui mek 'Ka neih chhun' hi SaiWanah Sailo hla phuah niin thla khat liam ta vel khan an tichhuak a, chutih chhung chuan YouTube-ah thlirtu maktaduai 2.2 chuang a nei hman! Aw i chhiar dik, mtd 2.2 chuang viewer a nei hman. Music video hautak takin a siam hran lo tih video enin a hriat, mahse a hla sak a fuh a, amahin huhang a ngah bawk. Chuvang chuan hetiang dinhmunah hian a ding thei a ni.

July 29 hian Serchhipah concert a nei dawn lehnghal a, a boruak len lai a ni bawk nen, Concert hlawhtling tak a neih ngei a rinawm. SaiWanah Sailo pawh chutah chuan guest artist a ni dawn.

Chart a hot
Chart-a pahnihna chu Latei Hringngen niin 'Luangliami' chu pahnihna a nihpui mek. Pathumna chu Ronald Zothantluanga 'Hawrawp hnuhnung ber' a ni bawk.

Keimah Senes x Tlangval Tlumtea x Lil Me 'Engvang nge' leh David Lai 'Lawm zai ka rel tange' chu top 5-ah an lang bawk.

Keimi X Zela Chuaungo, Ruati Liankhum, Sangkimi Khiangte, VL Rawna leh Lalropuii Pachuau-te pawh chart-ah an lang a ni.