Disney+ Hotstar series thar turah Kajol

Disney+ Hotstar series siam thar turah Bollywood star Kajol a inlan dawn.

Disney+ Hotstar hian Thawhṭanni khan video tichhuakin chutah chuan hemi chungchang hi Kajol chuan a sawi a ni. Mahse plot chu tihchhuah a la ni loa, engtikah nge an chan ṭan dawn tih leh a kalphung tur pawh an la sawilang lo.

Kajol hi Indian streaming series-a a inlan hmasakna ber tur a ni dawn a, "Thil thar dai hi chona lian tak a ni reng a, mahse chona hmachhawn hi nuam ka tih avangin thil ṭha tak a ni. Digital series fan ka nih angin, a concept hi a mak ka ti ṭhin a, mahse show ṭha tak Aarya leh Rudra-te ka en hnuah, series lama ka kawngzawh bulṭanna atan Disney+ Hotstar aia platform ṭha a awm lo tih ka hria a ni," tiin a sawi.