Queen Greatest Hits-in UK-ah record a siam

Queen chuan UK chart history-ah record siamin, album pakhat copy maktaduai sarih hralh thei hmasa ber an ni.

Kum 1981-a an tlangzarh an compilation album 'Greatest Hits' hmagin he record hi an siam a, Official Charts Company-in a tarlan dan chuan UK-a chhungkaw pali zela pakhat chuan he album hi an kawl ang a ni tawh!

He album hian tunhnai lawk khan UK album chart-ah kar 1,000 hun a hmang tling tawh a, an guitarist Brian May chuan tunhnaia record ropui tak an siam chu 'chanchin lawmawm ber' tiin a sawi hial' "Hetiang thleng thei album hi a la awm ngai lo. Kan lawm e, kan lawm tak zet," tiin thuchhuah a siamah a tarlang.

Drummer Roger Taylor pawhin,"British mite leh an 'taste' ropui tak chuan history-a album hralh ṭhat ber hi an thlentir a ni," a ti ve bawk.

'Greatest Hits' hi vawiin thlenga Queen album hralh ṭhat ber a la ni reng a, ram hrang hrangah copy maktaduai 25 vel tal chu an hralh tawh niin Wikipedia lamah chuan tarlan a ni a, khawvela album hralh ṭhat ber zinga mi a ni. US lamah pawh vawi kua platinum-ah puan a ni tawh.