Thor bawk a la ṭek

Box Office-ah 'Thor: Love and Thunder' bawkin sum a la lalut tam ber a, theatre 4,375 aṭangin $46,632,172 lai sum a lalut leh. A sum lakluh tawh zawng zawng belhkhawm chu $499,856,641 lai a ni tawh a, kumin chhunga film tlangzarh zinga sum lalut tam pasarihna a ni tawh.

Pahnihna chu 'Minions: The Rise of Gru' bawk a ni leh a, theatre 4,114 aṭangin $26,838,560 a lalut leh. He film hian tlangzarh a nih aṭanga tun kar tawp liam ta thleng khan $534,258,065 zet sum a lalut tawh a ni.

Film thar 'Where the Crawdads Sing'
Olivia Newman direct, Reese Witherspoon leh Lauren Neustadter-te'n an produce 'Where the Crawdads Sing' chu Zirtawpni liam ta khan tlangzarh a ni a, kar tawp liam ta chhung khan $17,253,227 lalutin pathumna a ni.

Daisy Edgar-Jones leh Taylor John Smith-te channa film hi budget sang lutuka siam a ni loa, $maktaduai 24 vel senga an siam a ni a, Box Office Mojo lam chuan an webiste-ah an beisei aia a rawn chet ṭhat thu an tarlang. He film hi critics lam chuan a tone an fak vak loa, Edgar-Jones chevel erawh an fak hle thung.

Film thar dang
Top 10-ah film thar lang pathum a awm a, 'Where the Crawdads Sing' bakah hian parukna 'Paws of Fury: The Legend of Hank' leh pakuana 'Mrs Harris Goes to Paris'-te chu film thar a ni bawk.