Sangtei Renza A official hmasa berah pakhatna

‘Nunna Thar’ film-ah a chan thiam­zia kan hria a, film chan chauh ni loin zai lamah pawh Sangtei Renza hi a neu lo tih a lang a, a official music video hmasa ber chu Ma-i Store Ṭhazual Fakna tharah pakhatna a luah.

Adama nena Sap hla an sak ‘Stumblin’ In’ an siam khan en a hlawh a, khata ṭang khan Sangtei Renza hi a zaithiamzia Zoram mipui­in kan hria. Khami a lar hnu khan a official music video hmasa ber chu Blue Wave label hnuaiah a siam a, a tichhuak a, a hlawhtling. Sangtei music video ‘Hnehna hla’ chu Ma-i Store Ṭhazual chart-ah hnehna a chang a, pakhatna a rawn luah.

‘Hnehna hla’ hi Sangtei hi January thla khan a peih a, TV-ah a dah. April 4 khan Ṭhazual chart-ah a vawi khat nan kan hmu a, pariatnaah bul a rawn ṭan. April 24-a Ṭhazual chart tihchhuah lehah khan pasarihnaah a kai chho a, May 5 khan palinaah chhoin, palina

aṭangin pakhatnaah a rawn zuang chhuak ta a ni.

TBC Zaithanpuia hla ‘Zawh ka zuam lo’ chu pakhatna aṭangin pathumnaah a chhuk thla a, Grace Lalchhanhimi hla ‘Krossah chuan’ tih hla chu pakhatna a luah hnuah a zawnin pahnihnaah ṭum hnih a ṭhu ta.

Top 10-ah a thar pahnih kan hmu a, Amtea hla thar ‘Ka hming a hria’ chu pasarihnaah a rawn lang thar a, One In Christ hla ‘Chhum zin lohna’ chu 10-naah a rawn lang thar. CR Laldingliani 'Ropui ber' leh Fiona ‘I hming chauh’ tih chu a chhuak thung.

Ma-i Store Ṭhazual Fakna
1 Sangtei Renza - Hnehna Hla

2 Grace Lalchhanhimi - Krossah chuan

3 TBCA - Zawh ka zuam lo

4 Hlimhlimi - Inenfiah rawh

5 Sawmtea - I tan ka hlan

6 Parema Hla - Hmangaihtu Isua

7 Amtea - Ka hming a hria

8 Adonai’s Choir - Ka van in

9 Seraphic Choir - I ta ka ni

10 One in Christ - Chhum zin lohna