Saiin sapeltu a delh hlum

South Africa-a sapeltu langsar leh hriat hlawh, Theunis Botha, kum 51 mi chu Gwai, Zimbabwe-a sapela an chhuahnaah sai rualin an phîn a, anmahni invên nana sai, anmahni beitu an kahhlumin a delh hlum.

Botha leh a ṭhiante hi sai rual bula an awm laiin, sai rual hi an phili a, an zinga sai pathum chuan sapeltute lam panin an phîn phei a, Botha hian a silai a hmet puak a, chumi avang chuan an vei lamaṭangin sai dang pakhatin a rawn phîn a, Botha hi a nawnin a chawi kâng a, Botha ṭhiante zinga pakhat chuan sai chu lo kapin, sai hi a thi a, a tlu chuan Botha hi a delh a, chuvang chuan a thi ta a ni.

Botha te ramchhuahna hmun tak hi Hwange National Park bula Good Luck Farm-ah a nih thu an sawi a, a fate pali leh a nupui a thihsan.