Justin Bieber: July thla tawpah tour a chhunzawm leh tawh dawn

Ramsay Hunt syndrome vanga hun eng emaw chen 'Justice World Tour' a neih mek chu a chhunzawm theih loh hnuah July 31 aṭang hian Justin Bieber chuan tour a neih chhunzawm leh tawh dawn.

'Peaches' hitmaker hian hmai lehlam zéng vangin hung eng emaw chen chhung tour a neih mek chu a ṭhulh a ngaih phah hial a, mahse Lucca Summer Festival, Lucca, Italy-ah July 31 hian a inlan leh thei tawh dawn a ni.

Hemi hnuah hian ram hrang hrangah show a neih tur a chhunzawm lehnghal dawn a, Europe mai bakah South America leh Asia lamte pawh a hrut chhunzawm dawn a, Europe lamah let lehin nakkum March 25-ah Krakow, Poland-ah tour hi a titawp ang.