Google Pixel 6a India ramah zuar chhuak ṭep

Google Pixel 6a leh Pixel Buds Pro-te chu nimin khan India ramah tlangzarh a ni a, July 28 aṭangin an zuar chhuak ṭan dawn.

Google Pixel 6a hi pre-order theih a ni tawh a, India ramah Rs. 43,999-in an zuar dawn a, Flipkart kaltlangin a lei theih dawn a ni. Rawng chi thum- Chalk, Charcoal, leh Sage an siam. Pixel 6a leitute hian Rs. 4,999-in Google Nest Hub Gen 2, Pixel Buds A Series, leh Fitbit Inspire 2-te chu an lei tel thei dawn bawk.

Android 12 hmangin 6.1-inch full-HD+ (1,080 x 2,400 pixels) OLED display a nei a, Corning Gorilla Glass 3 a hmang bawk a ni.