Science & Environment ; Khawvela Giant Panda pa upa ber a thi

Khawvela Giant Panda pa upa ber 'An An' chu nimin khan a thi a, kum 35 lai a ni.

Mirhing damrei zawng anga chhut chuan kum 105 lai dam ang a nih thu a chenna Hong Kong theme park enkawltute chuan an sawi.

'An An' hriselna hi kar eng emaw zat liam ta aṭang khan a ṭha lo chho hle a, chaw a eitlem chhoin a hnuah phei chuan a ei duh lo hial tawh niin kum 1999 aṭanga a chenna facility Ocean Park chuan an tarlang.

Kum 2016 khan khawvela Giant Panda upa ber 'Jia Jia' chu kum 38 mi niin a lo thi tawh bawk a, 'An An' leh 'Jia Jia' hi China sorkarin Ocean Park hnena a pek ve ve a ni.