‘Mortal Kombat’ chhunzawmna Simon McQuoid bawkin direct leh dawn

New Line Cinema chuan 'Mortal Kombat' director Simon McQuoid chu a chhunzawmna pawh direct leh turin an befel tawh niin Variety chuan a tarlang.

Nikuma tlangzarh, Mortal Kombat reboot kha McQuoid hian direct-in a feature film direct hmasak ber a ni a, hrileng kara tlangzarh mah ni se $maktaduai 55 senga an siam film aṭang hian $mtd 84 lai sum a lakluhpui. An tlangzarh hunlai khan HBO Max-a film tihchhuah hlawhtling berte pawh a ni hman hial.

Tuna a chhunzawmna an siam tur hi Jeremy Slater chuan script a ziak dawn a, film hmasa lama changtute pawh kan hmuh nawn leh hmel viau bawk.