Edu Options-ah scho leh PG course

April 2 leh 3 hian Rooftop Millenium Centre-ah Edu Options ‘17 neih a ni leh dawn a, hetah hian scholarship leh post graduate degree course pe thei college te an awm nual dawn niin a buatsaihtu lam chuan an sawi.

College ṭhahnem tak an rawn inlan dawn a, chung zingah chuan scholarship pe thei an awm dawn a, ram danga zir duh thlengin an pui thei dawn. Course zir turah hian B. Tech, Physiotherapy, MBBS, BBA, Law, Journalism, MBA leh a dangte a awm dawn a ni. “Institution 30 vel an rawn tel dawn a, zirlai rawn tlawh te chuan âm thei ang berin free counselling hmang se kan duh ber a, subject hrang hrang thlan tur a tam a, zirna bakah hna kalphung, hna zawn dan leh a kaihhnawihte an zawt thei a an duh thala zawt turin kan fuih a, rawn tel tur te chu accredited institutions vek an ni‘ tiin organiser te chuan an sawi. Plus 2 result chhuak tawh, +2 zirlai, college zirlai leh ṭhalaiten rawn tlawhin hetiang hun hi a awm zen zen loh avangin hlut thiam nise” tiin a buatsaihtute lam chuan an sawi.

Edu Options hi chawhma dar 11 aṭanga tlai dar 5 thleng tlawh theih a ni dawn a, ni tin lucky draw a awm ang a, selfie stick, smartphone, pendrive leh OTG te a man theih dawn. Luh man a awm lo ang a, nilengin quiz buatsaih ṭhin a ni ang.